Xornadas formativas para a mocidade sobre o Patrimonio Cultural de Cerdedo-Cotobade

Velaquí unha pequena mostra do obradoiro de video-creación documental que fixemos durante as Xornadas formativas sobre o Patrimonio Cultural do concello de Cerdedo-Cotobade no que aprendemos ás rapazas e rapaces a aproveitar os recursos ao seu alcance para documentar temas patrimoniais do seu interese. O curso contou con catro módulos adicados ás tipoloxías e interpretacións do patrimonio cultural, ás formas de documentación e de traballo de campo, a representación do patrimonio a través do audiovisual xunto con cuestións técnicas relacionadas coa linguaxe e tecnoloxía cinematográficas. Aínda queda a entrega de premios do concurso de videodocumentais, do que informaremos en canto teñamos unha resolución.

Advertisements

Como naceu Ab Origine

Foto 1-8-17 11 59 22

O proxecto Ab Origine naceu no 2015 a raíz do traballo colaborativo que estableceron os antropólogos Rafa Quintía e Miguel Alonso. Dous anos despois sumáronse ao proxecto o escritor Rodrigo Cota e Valentín García Bóveda dando lugar á transformación do inicial Ab Origine: gabinete antropolóxico na actual empresa Ab Origine. Antropoloxía, produción e xestión cultural.

Dende maio de 2017 estamos establecidos en Pontevedra, onde temos as nosas oficinas na rúa Eduardo Pondal.

Esta bitácora nace coa intención de informar sobre as nosas actividades e divulgar os contidos que xurdan nas nosas investigacións e que consideremos interesantes.