NOVA CONFERENCIA EN CERPONZÓNS: “O Camiño portugués da Santiago como factor de desenvolvemento cultural e económico

O vindeiro venres 23 de agosto ás 21.00h no Centro Social de Pidre, en Cerponzóns, a antropóloga Cristina Valdés MéndezBóveda impartirá a conferencia que leva por título: “O Camiño portugués da Santiago como factor de desenvolvemento cultural e económico”. Un acto programando dentro do Ciclo cultural de conferencias que deseñamos dende Ab Origine para a celebración do Milenario de Cerponzóns.

Advertisements

CONFERENCIA “O DINAMISMO CULTURAL DE PONTEVEDRA NOS ANOS 30”

O vindeiro venres 12 de xullo ás 21.00h na Casa do pobo de Cerponzóns, o noso compañeiro Valentín G. Bóveda impartirá a conferencia que leva por título: “O dinamismo cultural de Pontevedra nos anos 30”. Un acto programando dentro do Ciclo cultural de conferencias que deseñamos dende Ab Origine para a celebración do Milenario de Cerponzóns.

WhatsApp Image 2019-07-05 at 12.59.57

PRESENTAMOS EN SALCEDO O LIBRO “O ANTICONTO DA PEDRA DO CERVO”

Este xoves 30 de maio ás 20h presentaremos no Centro Social de Salcedo (Pontevedra) o último libro do historiador Buenaventura Aparicio Casado. “O anticonto da Pedra do cervo”, unha obra de Ab Origine Edicións.

O autor estará acompañado dos membros de Ab Origine  Rafa Quintía e Valentín G. Bóveda. Será un pracer compatir este acto con todo aquel que se quera achegar.

PRESENTACIÓN ANTICONTO SALCEDO

ACTUALIZACIÓN DO POST: INSTANTÁNEAS DA PRESENTACIÓN

presentación en salcedo

61888364_2682658365100648_3872941863874854912_n

 

 

ASESORAMENTO ANTROPOLÓXICO: Asesoramos na curta “O Neno e a Sombra”

Nestes últimos meses, dende Ab Origine  viñemos colaborando en temas de asesoramento cultural co film “O Neno e a Sombra”, do director Xaime Miranda. Unha  traballo de asesoramento cultural que xirou en torno aos eidos da etnomedicina e da relixiosidad popular galega.

Para nós foi un pracer traballar co seu director Xaime Miranda e comprobar non só o bo facer deste, aínda que novo, gran profesional da cinematografía, senón tamén o seu interese por documentarse con seriedade e rigor para que a curtametraxe conte con valor e transfondo antropolóxico que merece a historia. Agradecidos de que confiase en nós, non nos queda máis que agardar con ansia o estreo do filme.

O Neno e a Sombra é un cortometraxe de folk horror e drama psicolóxico ambientado en na Galicia rural dos anos 80. É un conto de realismo máxico baseado no noso patrimonio inmaterial: as meigas, o mal de ollo ou os ritos curativos conforman o substracto no que se desenvolve esta historia. O Neno e a Sombra é tamén unha doloroso viaxe interior cara ao enfrontamento co lado escuro da nosa psique, na que se exploran outros temas universais como a infancia, a paternidade, a educación ou a relixión.

Director: Xaime Miranda
Guión: Carlos Fernández
Produtores: Uxío Corbelle, Sabela Blanco
Xefa de produción: Lucía Ramiro
Script: Maite Señoráns
Dirección de Fotografía: Elena Lombao
Dirección de Arte: Mariña de Toro
Xefe de eléctricos: Iago Vilariño
Son: Lucas Pardo
Música Orixinal: Nuno Pico

Entre o reparto do filme atópanse actores do prestixio de Miguel de Lira, María Roja ou Diego Anido.

Teaser O Neno e a Sombra from Xaime Miranda on Vimeo.

 

 

Máis información:

https://www.verkami.com/projects/22426-o-neno-e-a-sombra-curtametraxe

https://www.facebook.com/ONenoeaSombraCurta

 

 

COÑECE A NOSA EDITORIAL: AB ORIGINE EDICIÓNS

Dende o inicio Ab Origine tivo sempre como obxectivo fundacional non só adicarse a cuestións relacionadas coa investigación e a xestión no eido das culturas e sociedades senón tamén apostar pola divulgación, a posta en valor e o deseño de contidos culturais. Deste xeito, o seguinte paso lóxico tras a fundación foi abrir unha vía editorial para dar saída e voz propia á multitude de xentes, materiais e proxectos que pasan polas nosas mans e que se centran nos campos da antropoloxía, a etnografía, a historia e a arqueoloxía.

Así nace Ab Origine Edicións, o noso selo editorial onde, ademais de edición e publicación, ofrecemos servizos de redacción, correción, deseño e maquetación. Ademais de todo isto, realizamos tamén traballos de produción audiovisual, documentais de longa duración, curtametraxes, vídeos ou animación en 3D. Sempre co fío condutor da antropoloxía, a historia e a posta en valor do patrimonio.

Toda a información na páxina de Ab Origine Edicións.

http://edicions.aborigine.es/