Presentación do conto “Etram e Ailux na Terra dos Mortos”

O vindeiro venres 29 de novembro ás 20.00h no Espazo Nemonon de Pontevedra presentaremos o novo libro de Ab Origine Edicións “Etram e Ailux na Terra dos Mortos”. Un marabilloso conto do historiador Buenaventura Aparicio Casado.

No acto contaremos coa presenza do autor, da académica da RAG Fina Casalderrey e do antropólogo e editor Rafa Quintía. Acompañaranos neste acto a música do grupo Os Trubincos do Batán.

Invitación Buenaventura Aparicio

 

Presentación do libro “Hakenkreuz, Gammadion, Swastika. Estrellas, laberintos y caminos de los muertos”, de José Luis Cardero

O vindeiro xoves 21 de novembro ás 20.30h no Espazo Nemonon de Pontevedra presentaremos o novo libro de Ab Origine Edicións “Hakenkreuz, Gammadion, Swastika. Estrellas, laberintos y caminos de los muertos”, do antropólogo José Luis Cardero.

No acto contaremos coa presenza do autor, do historiador Lusi Alonso Álvarez e do editor Valentín G. Bóveda.

CARTEL PRESENTACIÓN CARDERO

“A protección e a curación na cultura popular galega”. NOVA CONFERENCIA DO CICLO MILENARIO DE CERPONZÓNS

O vindeiro venres 15 de novembro ás 21.00h na Casa do Pobo de Cerponzóns, o noso compañeiro e antropólogo Rafael Quintía impartirá a conferencia que leva por título: “A protección e a curación na cultura popular galega”. Un acto programando dentro do Ciclo cultural de conferencias que deseñamos dende Ab Origine para a celebración do Milenario de Cerponzóns.

 

protección

PUBLICAMOS: “Hakenkreuz, Gammadion, Swastika. Estrellas, laberintos y caminos de los muertos”, de José Luis Cardero

tomos

Estamos de celebración, publicamos a nova obra do antropólogo José Luis Cardero. Un traballo de toda unha vida de investigación  ao redor da historia e interpretación dos símbolos esvastiformes, e que agora ve a luz en formato libro  nesta profunda obra de case 1.200 páxinas repratidas en dous tomos. Unha nova obra que temos o privilexio de publicar dende Ab Origine Edicións.

“Hakenkreuz, Gammadion, Swastika. Estrellas, laberintos y caminos de los muertos” é sen lugar a dúbidas o maior tratado que se teña escrito nunca sobre estes milenarios símbolos. Unha obra destinada a ser unha referencia obrigada para todos aqueles que queiran adentrase no mundo da simboloxía.

01_cardero1

02_cardero2

traseira

Título: Hakenkreuz, Gammadion, Swastika. Estrellas, laberintos y caminos de los muertos.
Autor: José Luis Cardero López
Editorial: Ab Origine Edicións
Impresión: branco e negro
Tamaño: 23×16
Tomo I: 602 páxinas
Tomo II: 586 páxinas
Ano: 2019
I.S.B.N. 978-84-947844-6-0
Prezo: 50 € os dous volumes

“Historia e recuperación do Entroido de Samede”. Novo libro de Ab origine Edicións

Publicamos “Historia e recuperación do Entroido de Samede” de Emilia Cagiao. Un percorrido polo camiño que levou a esta investigadora e divulgadora novel a mergullarse na etnografía e na antropoloxía dun Entroido practicamente esquecido: o Entroido de Samede.

Título: Historia e recuperación do Entroido de Samede
Autor: Emilia Cagiao Sánchez
Editorial: Ab Origine Edicións
Impresión: blanco y negro
Tamaño: 21×15
Precio: 15€
132 páginas
Ano: 2019
I.S.B.N. 978-84-947844-3-9

Libro- trailer: fala Emi Cagiao do seu libro “Historia e recuperación do Entroido de Samede”

 

Curso teórico e práctico de Antropoloxía Urbana

A oferta formativa da nosa Escola de Antropoloxía amplíase co Curso teórico e práctico de Antropoloxía Urbana que impartirá o noso compañeiro o antropólogo Miguel Alonso Cambrón. Unha actividade pensada para estudantes do grao de antropoloxía ou doutras disciplinas afíns e a todas aquelas persoas que queiran incorporar as particularidades metodolóxicas da antropoloxía aplicada aos espazos urbanos e coñecer a historia da disciplina.

O curso impartirase os mércores de 18:00 a 20:00 e comenzará o 9 de Outubro. As clases terán lugar na nosa aula situada nas oficinas de Ab Origine, en Pontevedra.

Descarga o programa do curso

123

NOVA EDICIÓN DO CURSO “Mitoloxía, crenzas, rituais e manifestacións festivas da cultura tradicional galega. Un achegamento antropolóxico ao patrimonio inmaterial de Galicia”

Xa está dispoñible a matrícula para a 3ª edición do curso de extensión universitaria “Mitoloxía, crenzas, rituais e manifestacións festivas da cultura tradicional galega. Un achegamento antropolóxico ao patrimonio inmaterial de Galicia”. Un curso deseñado e impartido polo noso compañeiro de Ab Origine o antropólogo Rafael Quintía. Un curso enmarcado no noso proxecto formativo “Ab Origine. Escola de Antroñoloxía”.

Ademais, este ano, para potenciar máis o curso, a UNED decidiu dotalo coa concesión de 1,5 créditos así como posibilitar a súa transmisión en streaming para aqueles que se queiran matricular en calquera parte do Mundo e non poidan asistir a clase.

Toda a información na seguinte ligazón:

https://extension.uned.es/actividad/idactividad/19503

 

2ª edición do “CURSO PRÁCTICO DE INVESTIGACIÓN ETNOGRÁFICA”

Poñemos en marcha a 2ª edición do noso “Curso práctico e investigación etnográfica”. Unha actividade formativa da nosa Escola de Antropoloxía destinada a todas aquelas persoas que queiran iniciarse na investigación etnográfica. Estudantes do grao de antropoloxía ou doutras disciplinas afíns e a todas aquelas persoas que queiran incorporar a metodoloxía da investigación antropolóxica nas súas actividades ou recibir formación no eido da antropoloxía.

O curso impartirase os luns en horario de 18 a 20h e dará comezo o 7 de outubro. As clases terán lugar na nosa aula situada nas oficinas de Ab Origine, en Pontevedra. Un curso impartido polo antropólogo Rafael Quintía.

Debido ao limitado das prazas, se está interesado neste curso pode solicitar xa a súa reserva.

DESCARGAR O TRÍPTICO EN PDF:

CURSO PRÁCTICO INVESTIGACIÓN ETNOGRÁFICA

 

NOVA CONFERENCIA EN CERPONZÓNS: “O Camiño portugués da Santiago como factor de desenvolvemento cultural e económico

O vindeiro venres 23 de agosto ás 21.00h no Centro Social de Pidre, en Cerponzóns, a antropóloga Cristina Valdés Méndez impartirá a conferencia que leva por título: “O Camiño portugués da Santiago como factor de desenvolvemento cultural e económico”. Un acto programando dentro do Ciclo cultural de conferencias que deseñamos dende Ab Origine para a celebración do Milenario de Cerponzóns.